:: Sebedau Nurun Ngayau ::

Sebedau nurun ngayau,diak meh bala sida ti deka enggau ngayau betesau ngagai bala bukai ti semak serta bala ti rapat enggau sida madah ka 'Tuai Kayau' deka mai begempuru ba ruai rumah ia sebedau sida bekejang nurun ngayau..

Maya begempuru ba ruai tuai rumah diak meh sida deka meri penemu agi pangan diri serta berunding ka chara deka nyerang munsoh..Udah sida tembu begempuru,diak sida mesti deka ngaga 'Perau Kayau' dikena niti jalai sungai nuju endor munsoh..Sida mega deka nyedia ka perengka kena ngayau baka 'duku ilang' enggau 'terabai'..Terabai ti digaga mesti kering enggau lempung ngambi ka nyamai dibai bejalai maya nyerang munsoh..Sida mega deka begaga ka sumpit dikena nyerang munsoh ari endur ti jauh serta enda ulih didinga..Sumpit ti digaga sida mesti bebekal ka 'Laja' ti udah diansah enggau tajam serta besalut ka bisa ural tauka besalut getah kayu ipoh..

Tembu aja sida nyedia ka utai ti deka kena ngayau,diak sida deka begempuru sekali da agi dikena netap ka ari ti ngam nurun ngayau enggau tungga endor ngayau..Seminggu sebedau sida nurun ngayau,diak bila sida ti kindu ba rumah panjai nya udah nyedia ka perengka dikena ngangau ka Petara..

Bala sida ti lelaki deka nurun ngasu enggau nubai ikan ba sungai ti semak ngambi ka cukup bekal pemakai bala anak bini sida ti tinggal ba rumah panjai sepemanjai ari sida beperang..Sida mega deka minta serta begiga ka pengaroh ari bala ti semak tauka bala kaban belayan sida ngambi ka sida kering maya beperang..

Seari sebedau bala sida nurun ngayau,sida deka manduk beras pulut ke bekal sida sepemanjai ari sida ngayau..Malam sebedau ngayau,bala ti enggau ngayau bekumpul ba ruai bilik 'Tuai Kayau' laban ti deka Miring ka pengaroh enggau minta tulung Petara..

Maya pengawa miring deka bejalai,diak meh 'Tuai Kayau' ti dibantu bala 'Manang' deka milih bala lelaki ti olih enggau ngayau laban nyema lelaki nya enda dipilih Petara,ia deka mati tauka bulih pemedis maya ngelaban bala munsoh..'Tuai Kayau' mega deka milih lelaki ti olih nyadi ketua nyaga rumah panjai enggau nyaga bala anak bini sida sepemanjai ari sida nurun ngayau laban sida mega takut enggai ka rumah panjai sida diserang munsoh maya sida nadai..

Sepengudah pengawa nyedia ka tujuh pinggai piring tembu,Tuai Kayau deka milih siko lelaki maca jampi agi 7 iti piring nya sambil ngayun ka manok tuai ba atas piring..Manok ti udah dikena bebiau ba piring nya tadi deka dibiau 3 kali ba atas pala bala ti dipilih enggau ngayau diiring leka sampi..'Tuai Kayau' lalu muai ai tuak ti disalin ba gelas tujuh kali ngambi ka Petara semampai nyaga sida serta ngelari ka segala penusah ari sida..

Reti perengka piring : 

Asi pulut : ngambi ka semua bala ti enggau pengawa ngayau nya besatu ati serta betulung pangan diri ngambi ka ulih ngalah ka semua munsoh..

Reti sida ngirup tuak : ngambi ka semua bala ti enggau ngayau nya kering serta enda takut ka munsoh maya benung beperang..

Reti miring ngena 'Tumpe' : nunjuk ka betapa setia bala sida ngagai Tuai Kayau..

Reti nabur rendai : ngarap ka Petara ari menua Panggau Libau nurun nulung sida ngalah ka munsoh..

Insap daun enggau perengka piring ti bukai deka disimpan ba dalam 'Keresang' lalu di taruh ba tiang tangga rumah sida..

5 Bansa Ajat Iban

Asal Penatai Ajat

Nitih ka jerita orang tuai kelia,penatai ajat tok main ti dipeturun ka siko petara kitai iban ti benama Ulup Baru Lichin,Bujang Ilang Lengain.Tang cherita ti kebendar ia empai olih dipansik laban lain menoa lain ga cherita..

5 Bansa Ajat Iban

1)Ajat Bunuh -

Ajat bunuh dimain sida ka lelaki ti landik ngajat,sikar serta landik bekuntau tauka sida ti kala enggau ngayau..Ajat bunuh dibagi ngagai 3 bansa ianya Penca,Kuntau enggau Tembong..Rentak ajat bunuh endang cukup jampat nitih ka penyampat sida nyilat tumbuk ari munsoh..

2)Ajat Semain -

Ajat Semain dimain bala sida ka biak dikena beperindang maya lemai,nyambut temuai tauka leboh bepekit ngajat..Ajat tok dimain enggau langkah ti lembut diiring taboh ''anyut ai''..

3)Ajat Iring - 

Ajat Iring dikena sida ka biak ngiring temuai,bala pengabang,raban bala ti ngambi indu,ngalu pemesai tauka ngelalu ka Petara niti ruai leboh maya bisi begawai..Ajat tok mega disebut tauka dikelala enggau Ajat Titi Ruai..

4)Ajat Kelulo - 

Ajat kelulo dimain kena bebuti enggau panggan diri kena nembu ka gawai ti alai sida ngelulu ka ulah pangan diri..Maya ajat tok,pengajat enda iboh ibuh ka pemanah rentak taboh,lalu enda mega ibuh beguna ka ngepan ti penuh tang mina beguna ka pengelandik enggau pemungah ngelulu ka ulah pangan diri sambil nitih ka rentak taboh..

5)Ajat Nanggung Lesong - 

Ajat tok dimain sida ka laki ti kering nanggung lesong ngena penguat rang enggau ngeli..Ajat tok deka sama enggau ajat Semain tang semina ti membida ka ajat tok laban ajat tok beguna ka lesong..Ajat tok nunjuk ka pengering pengajat manggum lesung ngena ngeli ia sereta nengkah belubah lubanh lesong nya tadi ba endor asal sambil ngepai ka jari serta ngentak ka  kaki nitih ka bunyi taboh..

info asal ari blog : http://bizniz87.wordpress.com

Lagu Rancak Kena Gawai 2013

Berapa ari da agi kitai dayak deka ngintu pengerami Gawai Dayak 2013.Ari nyau majak ngansak sesemak sesemak.haha.Bala urang ti di rumah panjai sigi udah sedia magang bala sida tuak,bala sidak arak,bala sida beer nganti penatai Gawai Dayak.Ukai ka besebut ka tuak tauka beer.Gab deka rekumin ka lagu-lagu ti rancak kena kitai ngansar ka kaki maya Gawai Dayak ti deka nyadi.Enda rami siti gawai nya nyema nadai bebatak betundi enggau pangan diri neh.nyadi tok lagu gawai ti dicadang ka Gab ngagai kita semua kena betanda datai ka pagi maya malam 31/5/2013.hehehehe.

1) Bulih Tawing

http://www.youtube.com/watch?v=8OzwqA0RBXQ

2) Undang Selepak Batu - Ricky El & Sima

http://www.youtube.com/watch?v=NNEmVzn_sLs

3)Poco Ari Gawai - Ricky El

http://www.youtube.com/watch?v=NmlSw_MVVoo

4)Anang Jugau - Gilbert Gaong & Jessica Timah

http://www.youtube.com/watch?v=Rt3AmdnDMJ4

5)Ngeruh Ai - Ricky El

http://www.youtube.com/watch?v=Ps8ZX0U0wyw

6)Biar Bekikis Bulu Betis - Andrewson Ngalai

 http://www.youtube.com/watch?v=rHpKTxxFEsc

7)Semina Duduk Berimbai - Andrewson Ngalai

http://www.youtube.com/watch?v=BGz_jxL0FVg

8)Pinang Belah Tiga - Alon Lopeng

 http://www.youtube.com/watch?v=AqSg0ctwL3k

 9)Mabuk Pengerindu - Lazarus

 http://www.youtube.com/watch?v=BU7psuf1QpU

10)Sakit Gawai - Achan & Swaylin

 http://www.youtube.com/watch?v=Wx2R9i3ZYyc

11)Nasib Meh Wai - Swaylin & Mancha

http://www.youtube.com/watch?v=B2Sz3_B6oyU

 12)Blues Indai Orang - Milton

 http://www.youtube.com/watch?v=wPvZOJa2lVk

13)Tuak Dara - Jessica Timah & Gilbert Gaong

http://www.youtube.com/watch?v=l5vAQUmuAl4

14)Bejuluk Lachau Bejembi

http://www.youtube.com/watch?v=hUs_oaW

15)Sigat Tuai - Swaylin

http://www.youtube.com/watch?v=4SLTPK5WGcY

16)Uchu Tuai Rumah - Watson Jelai

http://www.youtube.com/watch?v=iTPV2v_MM2c

17)Anak Dara Ibu - Ricky El

http://www.youtube.com/watch?v=7m8yGlv5fJs

18)Bujang Lelayang - Ricky El

http://www.youtube.com/watch?v=pUWX3GInPAs

19)Bujang Runggu Ensing - Ricky El

http://www.youtube.com/watch?v=MnwkEz_UKkM

 20)Bujang Baru - Ricky El

http://www.youtube.com/watch?v=McwFLmhtGLU

21)Bujang Semanggang - Jocy Menti

http://www.youtube.com/watch?v=mk5DaqE25Uw

22)Sebening Lalat - Maxwell Franklin Saran

http://www.youtube.com/watch?v=6PTlbi21I5k

23)Betemu Semalam Aja - Gilbert Gaong

http://www.youtube.com/watch?v=OfWSqxedqSA

Tok mina cadangan Gab aja.nyema kita bisi lagu bukai deka ditambah ba list lagu rancak kena begawai tau danjung komen kita ba baruh tok ('')y

Jenis Kayau

Disebut ka ngayau nadai siko ari bansa kitai enda nemu pengawa ngayau tok..ngagai sapa-sapa ti enda nemu maksud ngayau,legi meh aku nerang ka maksud ngayau..Maksud ngayau tok ianya pengawa sekumpulan bala bujang rumah panjai nyerang rumah panjai bukai tauka nyerang kampung orang..Nyadi bisi 2 jenis kayau ianya Kayau Anak enggau Kayau Serang..

Kayau Anak

Maksud kayau anak tok ianya nyerang munsoh enggau bala ti mimit,ianya dalam 10 tauka 5 iko ba sigi kumpulan.Agi kelia,kayau anak meh paling disenakut  ka urang laban sida ti nurun kayau anak ukai urang sengapa,tang urang ti mayuh dengah..


Kayau Serang

Maksud kayau serang ianya nyerang munsoh enggau bala ti mayoh tauka siti rumah panjai mantu pangan diri nyerang munsoh sida..Sebedau sida deka ngaga kayau serang..diak meh sida deka betesau ngagai rumah panjai ti semak enggau rumah panjai sida nanya tauka minta bantu rumah panjai bukai..nyema rumah panjai  bukai deka mantu sida,lalu sida deka begabung nyerang munsoh sida..

Ohhaaaa ! ! !

Oohhhaaa ! selamat datai ngagai Blog Aku Anak Iban...Aku Gabriel Bill Dagreat admin ba page Aku Anak Iban deka ngalu ka penatai kita ngagai blog tok..Nyadi blog tok digaga ngagai semua bansa iban,ngambi ka main asal serta adat kitai enda lekang ditelan zaman..Laban ti kebuah menua ti majak mansang serta maju..diak meh Gab meda adat serta main asal bansa kitai majak lenyau..bala nembiak kemaya ari nyema ditanya,mayoh ka enda nemu adat serta main asal kitai..enggai ka utai kenya majak nyadi..ditu Gab deka bekunsi macam cerita serta pengawa bansa kitai..ngambi bisi dibaca serta nyadi ka pengebal penemu bala anembiak ti deka datai..nyadi nyangka tok aja penerang ari Gab..minta ampun nyema bisi salah basa serta terlanjur jako..buai utai ka jai,ambi utai ti manah ngambi pengidup lantang nadai dendam..